9-та меѓународна математичка олимпијада за студенти SEEMOUS
Почитувани колеги и студенти,
Во периодот од 03.03.2015-08.03.2015 ќе се одржи 9-тата меѓународна студентска олимпијада SEEMOUS2015, во Охрид, Р. Македонија, чиј организатор оваа година е Сојузот на математичарите на Македонија. Ве каниме да учествувате на овој престижен студентски натпревар со тим од вашиот универзитет. Сите инфорамации во врска со SEEMOUS2015 можат да се најдат на интернет-страницатаwww.seemous2015.smm.com.mk Инфорамцијата за Олимпијадата може да се види и на интернет-страницата на MASSEE (Mathematical Society of South Eastern Europe):http://www.massee-org.eu/index.php/mathematical/seemous
Со почит,Алекса Малчески
Претседател на СММ
05/11/2014
5-ти конгрес на математичарите на Македонија
Почитувани
Во периодот од 24.09-27.09.2014 во прекрасниот амбиент на градот Охрид, и бескрајно љубезниот персонал на хотелот Метропол се одржа 5-от конгрес на математичарите на Македонија. Крајно академската атмосфера, учестото на преку 180 учесници и презентирани преку 130 научни труда, како и големиот број на еминентни поканети предавачи му дадоа посебен белег на конгресот. Секако потврда за вкупната успешност на конгресот е општата констатација на сите присутни дека вакви манифестации во организација на СММ треба да има почесто во Република Македонија. Раководството на СММ и вкупната македонсака математичка фела секако дека во иднина ќе обрне внимание на таа забелешка на учесниците на конгресот.
Претседател на СММ, Алекса Малчески
01/10/2014
Натпревари по математика во основното образование во учебната 2014/2015 година
Согласно одредбите од акредитацијата за организирање и одржување на натпревари во основното образовани, СММ натпреварите по математика во основното образование во учебната 2014-2015 година ги закажува во следните термини:
Општински натпревар: 28.02.2015 година
Регионален натпревар: 28.03.2015 година
Државен натпревар: 02.05.2015 година
Јуниорска македонска математичка олимпијада: 30.05.2015 година.
Повеќе види тука
14/09/2014
Книги за натпревари
Од печат излезе книгата Меѓународен натпревар Кенгур, 1,2,3 одделение. Истата може да се види тука како и во галеријата од книги во делот книги од оваа страна.
06/09/2014
