СОБРАНИЕ НА СОЈУЗОТ НА МАТЕМАТИЧАРИ НА МАКЕДОНИЈА
ПОЧИТУВАНИ
Граѓани на Република Македонија, почитувани професори, наставници, директори,... Сојузот на математичари на Македонија ве информира дека на
ден 17.11.2018 година, со почток од 12 часот ќе се одржи
СОБРАНИЕ НА Сојузот на математичари на Македонија.
Местото на одржување на собранието ќе биде објавено дополонително во понеделник 12.11.2018 година. Дневниот ред ќе биде објавен најдоцна до 14.11.2018 година, среда. Согласно законските одредби се замолуваат сите претставници на претходното собрание да бидат присутни на овогодишното собрание на Сојузот на математичари на Македонија.
Со почит
Алекса Малчески
09/11/2018
ДОДЕЛУВАЊЕ НАГРАДИ ЗА ИГО 2018
ПОЧИТУВАНИ ОЛИМПИЈЦИ
На ден 02.11.2018 година, во просториите на Машинскиот факултет со почеток во 12 часот ќе се изврши доделување на наградите од овогодишната Иранска геометриска олимпијада 2018. Се повикуваат сите ученици кои се на списокот кој е логиран да дојдат и да си ги подигнат соодветните награди. ДОПОЛНИТЕЛНО ДЕЛЕЊЕ НА НАГРАДИ НЕМА ДА СЕ СПРОВЕДУВА.
список види тука
Со почит
Алекса Малчески
___________________________________________________________________________
Почитувани
Во прилог е благодарницата која ја добивме како награда за спроведениот систем на натпревари во минатата учебна година. На сите наредни претседатели им посакувам во иднина да не зарадуваат и со редица повредни награди и продобивки кои ќе бидат резултат на работењето на СММ.
награда види тука
со почит
Алекса Малчески
25/10/2018
БИЛТЕН///ЕМК///ОСТАВКА
ПОЧИТУВАНИ
Во печат влезе и последниот број на НАУЧНОТО СПИСАНИЕ-МАТЕМАТИЧКИ БИЛТЕН, втор број од 2018 година, за оваа година. За истото, покрај членството во EBSCO, се покренува и постапка за членство во научната база SCOPUS, за што сметаме дека сме ги исполниле сите услови. Истото може да се види и на страната http://math.bilten.smm.com.mk/
Со почит
Алекса Малчески
___________________________________________________________________________
ПОЧИТУВАНИ
Македонски математичари, македонски натпреварувачи по математика, почитувани ментори на натпреаврувачите, раководен кадар на училиштата во Република Македонија, општо граѓани на Република Македонија. Јас Алекса Стојан Малчески ве известувам дека поднесувам
ОСТАВКА на местото претседател на СОЈУЗОТ на МАТЕМАТИЧАРИ НА
МАКЕДОНИЈА
Сојузот на математичари на Македонија го оставам во полна кондиција од сите аспекти на неговата работа. Се надевам дека наредното раководство со рационално работење, како што тоа беше во претходните години, ќе успее да ја одржи оваа престижна институција во Република Македонија на соодветно рамниште, од сите аспекти на нејзиното делување.
Со почит
Алекса Малчески
__________________________________________________________________________
ПОЧИТУВАНИ ОЛИМПИЈЦИ
Ве известуваме дека Европскиот математички куп оваа година ќе се одржи на ден 15.12.2018 година со почеток во 10 часот. За местото на одржување ќе бидете дополнително известени со официјалното писмо покана кое ќе бид доставено лично до секој пријавен натпреварувач Право на учество имаат сите заинтересирани млади македонски математичари-без ограничувања. Рокот за пријавување е до 08.12.2018 година.
Со почит
Алекса Малчески
17/10/2018
ИРАНСКА ГЕОМЕТРИСКА ОЛИМПИЈАДА-ФИНАЛНИ РЕЗУЛТАТИ
ПОЧИТУВАНИ ОЛИМПИЈЦИ
И покрај тоа што имам поднесено оставка, сепак го користам овој портал за да ја соопштам убавата вест од Техеран-Република Иран. Нашата репрезентација на оваа олимпијада (ИГО-2018) освои пет медаљи, од кои два сребрени и три бронзени. На освојувачите на медаљите им го честитаме успехот. Оваа олимпијада е посебно значајна за нас од Република Македонија. Организаторот на олимпијада ги прифати сите наши македонски барања и сега ќе се издаваат сертификати на сите олимпијци кои имаат решено барем една задача на оваа олимпијада. Со тоа бројот на ученици кои че добијат сертификат за постигања на оваа олимпијада е преку 30, што е фантастичен успех за нашата земја Македонија. Второ, кое е значајно и не смее да не се напомене дека имавме олимпијада на која се виде комплетниот македонски напредок во спроведувањето на вакви манифестации, особено во тоа како учениците ги понудија своите решенија. Јас им се заблагодарувам на сите ученици кои беа дел од овој настан.
Ве поканувам да земете учество на Европскиот математички куп, кој традиционално се одржува во почетокот на месец декември 2018, без исклучок-во целост. На овој куп, секој од вас има шанса да ги прикаже своите знаења, умеења и вештини, кои ги стекнал во најострата образовна дисциплина, и вечно да остане на интернет порталите на оваа и другите слични олимпијади, што секако е врвен предизвик на секој од вас.
Напоменувам дека ќе се организира FIMO 2019 (Финална интернационална математичка олимпијада 2019), на кој учество може да земат сите натпреварувачи на локалните олимпијади од типот на ИГО 2018 година, ЕМЦ 2018, МеМО 2019, АПМО 2019 и други олимпијади од ист или сличен тип. Истата ќе се одржи во крајот на месец септември 2019 година.
списоци на рангирани натпреварувачи ИГО 2018
elementary level види тука
intermediate level види тука
advanced level види тука
free level види тука
Со почит
Алекса Малчески
30/09/2018
