ДРЖАВЕН НАТПРЕВАР ЗА УЧЕНИЦИТЕ ОД ОСНОВНОТО ОБРАЗОВАНИЕ 2015-РЕЗУЛТАТИ
ДРЖАВЕН НАТПРЕВАР ЗА УЧЕНИЦИТЕ ОД ОСНОВНОТО ОБРАЗОВАНИЕ-РЕЗУЛТАТИ
На 09.05.2015 година во просториите на Природно математичкиот факултет-Скопје се одржа XL-от Државен натпревар за учениците од основото образование. Како и на претходните циклуси на натпревари, и на овој натпревар се покажа, големата мотивираност на учениците и од година во година зглеменото ниво на математички знаења. Секако дека тоа не е можно без професионалниот однос на нивните професори-ментори.
Постигнати резултати
седмо одделение (види тука)
осмо одделение (види тука)
деветто одделение (види тука)
11/05/2015
ДРЖАВЕН НАТПРЕВАР ЗА УЧЕНИЦИТЕ ОД ОСНОВНОТО ОБРАЗОВАНИЕ-2015
ДРЖАВЕН НАТПРЕВАР ЗА УЧЕНИЦИТЕ ОД ОСНОВНОТО ОБРАЗОВАНИЕ-2015
ВАЖНО СООПШТЕНИЕ
Натпреварот ќе се одржи во Хемиски амфитеатар на Природно математички факултет. Сите учесници на натпреварот да бидат присутни во закажаното време пред хемискиот амфитеатар, во зградата на Институт за Хемија.
Оние ученици кои во истиот ден се натпреваруваат и на натпреварот по Биологија ЗАДОЛЖИТЕЛНО ДА СЕ ЈАВАТ кај Координаторот за натпревари во основно образование при СММ, д-р Слаѓана Брсакоска.
Со почит
Алекса Малчески
02/05/2015
EGMO-2015
ПОЧИТУВАНИ
Во периодот од 14.04.2015 до 20.04.2015 во МИНСК, Република БЕЛОРУСИЈА по четврт пат се одржа Европската математичка олимпијада за ученички (EGMO-2015). Нашата репрезентација беше во состав
1. Сања Симоновиќ
2. Теа Стоилковска
3. Теодора Бујаровска
4. Aнастасија Трајанова
Нашата репрезентација пристигна еден ден порано, и ја почувствува тополината на организаторот и белорускиот народ за што СММ им е посебно благодарен. Организаторот со својата перфектна организација создаде атмосфера да сите учесници на олимпијадата се осеќаат пријатно. Македонската репрезентација во силната конкуренција освои еден бронзен медал-Теодора Бујаровска, и една ученичка освои пофалница-Сања Симоновиќ. Со малку повеќе среќа исходот можеше да биде уште поповолен. Сепак за прво учество на овој натрпевар треба да бидеме задоволни, ако се земе предвид намерата на основачот на ова натпреварување да го претвори истото во натпревар од највисок ранг. Таква беше и констатацијата на сите присутни на настанот кои ова издание на EGMO го поистоветија според тежината со IMO.
Кај нашата репрезентација преовладуваше чувството дека се наоѓа во модерно организирано општество. Нашата репрезентација од страна на медиумите во Белорусија беше многу пати интервјуирана и соодветно како никогаш досега презентирана, а за првпат воопшто една наша репрезентација се најде на насловните страници на еден весник(види тука).
Напреварувачки задачи прв ден
Напреварувачки задачи втор ден
Решенија на задачите
СММ на нашите репрезентативки им посакува понатамошни успеси на натпреварите и воопшто, а на организаторот на натпреварот, уште еднаш, им се заблагодарува за одличниот прием во нивната земја.
Со почит
Алекса Малчески
23/04/2015
ДРЖАВЕН НАТПРЕВАР ЗА УЧЕНИЦИТЕ ОД ОСНОВНОТО ОБРАЗОВАНИЕ 2015
ПОЧИТУВАНИ
На барање на најголемиот број учесници на Државниот натпревар за учениците од основното образование, во консултација со надлежните институции, истиот е одложен за 09.02.2015 година. Во прилог е писмото покана кое е испратено до сите училишта, учесници на натпреварот со свои ученици (види тука)
СММ го задржува правото за измена на местото на одржување на натпреварот, како и дополнување на списокот на учесници со ученици-учесници на минатогодишната ЈММО, кои според правилникот имаат право на учество.
Претседател на СММ
Алекса Малчески
21/04/2015
